ÁVARP Á ALÞJÓÐLEGUM BARÁTTUDEGI KVENNA

SAMEINUÐU ÞJÓÐIRNAR         

U N I T E D   N A T I O N S              

N A T I O N S   U N I ES

                              
                                                       

FRAMKVÆMDASTJÓRINN 
ÁVARP Á ALÞJÓÐLEGUM BARÁTTUDEGI KVENNA  
8. mars 2007          

Mér er það í senn ánægja og heiður að senda ykkur mínar bestu kveðjur á Alþjóðlegum baráttudegi kvenna – þeim fyrsta frá því ég tók við starfi framkvæmdastjóra Sameinuðu þjóðanna. Ég vona að á næstu árum eigið þið eftir að líta á mig sem fulltrúa ykkar og bandamann.           

Þessi dagur er tækifæri fyrir okkur öll, konur og karla, til að sameinast um málefni sem snertir allt mannkynið. .Valdefling kvenna er ekki markmið í sjálfu sér. Hún er skilyrði fyrir því að bæta líf allra jarðarbúa.             

Enginn getur efast um þessar staðreyndir. Og enginn getur andmælt þeirri niðurstöðu leiðtoganna á Alheimsleiðtogafundinum 2005 að jafnrétti kynjanna og mannréttindi allra eru forsendur þess að efla þróun, frið og öryggi.             

Samt sem áður er langur vegur frá því að almenn viðurkenning í orði skili sér í verki.. Í nánast hverju einasta landi eru færri konur en karlar í ákvarðanatökustöðum. Starf kvenna er enn vanmetið, illa launað eða ólaunað. Meirihluti þeirra hundrað milljóna barna sem ekki njóta neinnar skólagöngu eru stúlkur. Meirihluti þeirra meir en átta hundruð milljóna sem eru ólæsar, eru konur.  

Það sem er verst af öllu er, að ofbeldi gegn konum og stúlkum heldur áfram af fullum krafti á hverju meginlandi, í hverju landi og í hverjum menningarheimi. Það veldur miklum skaða í lífi kvenna, lífi fjölskyldna þeirra og í samfélaginu í heild.Flest samfélög banna slíkt ofbeldi en satt að segja er alltof oft litið framhjá því eða það látið viðgangast.  

Einmitt þess vegna er Alþjóðlegur baráttudagur kvenna svo mikilvægur sem raun ber vitni. Hann er áminning um þá ábyrgð okkar allra að vinna að varanlegri breytingu á gildismati og atferli. Hann er hvatning til okkar um að taka höndum saman: ríkisstjórnir, alþjóðasamtök, borgaralegt samfélag og einkageirinn. Við erum brýnd til að umbreyta samskiptum kvenna og karla á öllum stigum samfélagisns.

Okkur er lögð sú skylda á herðar að styrkja hvers kyns valdeflingu kvenna og stúlkna, allt frá menntun til smáfjármálastarfsemi. Sameinuðu þjóðirnar eiga að vera í fararbroddi í þessum aðgerðum.

Ég heiti því að gera allt sem í mínu valdi stendur til að svo megi verða, ekki aðeins á Alþjóðlegum baráttudegi kvenna, heldur alla daga. Ég hlakka til að starfa með ykkur að þessu sameiginlega markmiði.  

Ban Ki-moon

Alþjóðlegur réttindadagur kvenna

Um allan heim verða ýmsar uppákomur, s.s. tónleikar, ráðstefnur og fundir um stöðu kvenna. Hér er brot af því sem gert verður í tilefni dagsins:

Austurríki - Galakvöld.

Ástralía - kvennasamtök bjóða upp á opin míkrafónn allan daginn.

Bretland - göngutúr um austur London og saga kvenna þar á 19.öld sögð.

Chile - konur dreifa blómum til karla með miða sem á stendur: ,,Saman berjumst við fyrir réttindum kvenna."

Kanada - viðskiptakonur halda þögult uppboð, snittur og kokteill.

Malasya - tískusýning, naglasnyrting og hárgreiðsla.

Moldavía - ýmsar uppákomur þar sem vakin er athygli á því sem snertir konur sérstaklega s.s. ,,heilsa", ,,frami", ,,mansal."

Tansanía - konur í íþróttum, ávinningur kvenna af íþróttum og leikjum.

- af vef international women´s day. 

Konur eru að gera það - útúm allt!

Það er að koma mynd á þessa skemmtilegu daga framundan.

Gjörningar, leiksýningar, upplestrar, söngur, femínískt tilfinningatorg, fundir, ráðstefnur, námskeið, mótorhjólagellur og kynningar.  Endilega fylgist með.  Dagskrá skýrist næstu daga!

Alþjóðlegi kvennadagurinn

er 8 mars. Dagurinn á sína heimasíðu þar sem saga hans er rakin og m.a. eru tenglar á ýmsar uppákomur og hátíðahöld sem plönuð eru víðs vegar um heim af hinum ýmsu samtökum og stofnunum. Sjá International womens day

 

 

 

Kvenréttindafélag Íslands er með dagskrá þann 8 mars sem sjá má hér.  

Hið jákvæða þing ,,Konur eru að gera það" verður dagana 9-11 mars. Unnið er að því að setja saman flotta dagskrá. Við hvetjum konur að vera með og sýna hvað í þeim býr.

Byltingin nær líka til Köben!

8. mars í Kaupmannahöfn.

Í tilefni af alþjóðlegum baráttudegi kvenna 8. mars ætla feministar í Kaupmannahöfn að hittast í Jónshúsi kl.18.00 og ræða málin.

Rósa Erlingsdóttir stjórnmálafræðingur mun flytja fyrirlestur sem nefnist
"Ég myndi kjósa hana þótt hún væri karlmaður." Um kosningabaráttu og kjör Vigdísar Finnbogadóttur.
og
Gunnhildur Kristjánsdóttir, mastersnemi í stjórnmálafræði mun tala um Kvennalistann.
Yfir léttum veitingum munum við svo færa okkur til nútímans og spjalla um væntanlegan
hlut kvenna í næstu kosningum o.fl.

Endilega áframsendið þetta til allra sem þið þekkið í Danmörku og ef þið eigið leið um
Kaupmannahöfn þá væri gaman ef þið létuð sjá ykkur.

Baráttukveðjur,

Rósa Erlingsdóttir, Gunnhildur Kristjánsdóttir og Guðrún Ágústsdóttir

Blómleg bylting!

7-11 mars

Í tilefni alþjóðlegs baráttudags kvenna, 8.mars munu konur allstaðar að úr þjóðfélaginu vekja sérstaka athygli á þeim merkilegu hlutum sem þær eru að gera. 

Við hvetjum allar konur, ekki síst þær sem yngri eru, til að standa upp og sýna hvað í þeim býr. 

Þessi vettvangur verður notaður í því skini að kynna hvaða viðburðir verða í boði og kynningar á framlagi kvenna til samfélagsins.  Án okkar allra væri ekkert.

Listsýningar, ráðstefnur, dansleikir, tónleikar, kennsla, upplestur, uppákomur, afsláttur, greinaskrif – framkvæmið allt sem ykkur dettur í hug. 
7-11 mars

Við hvetjum allar þær konur sem ætla að vera með uppákomur dagana 7-11 mars að láta okkur vita og við munum setja af stað bylgju.

Byltingin er hafin og hún er blómleg!!!