Hulda Jakobsdóttir bæjarstjóri Kópavogs.

Þann 4. júlí s.l. voru liðin 50 ár frá því að fyrsta konan á Íslandi varð bæjarstjóri, Hulda Jakobsdóttir í Kópavogi. Hulda var bæjarstjóri í 5 ár og hafa fáar konur verið lengur en hún í slíku embætti.

Jafnréttisnefnd Kópavogs, ásamt nokkrum afkomendum Huldu ofl. stóðu fyrir dagskrá og opnuð var örsýning um ævi hennar og störf.  Örsýningin verður opin í sumar  (Bókasafni Kópavogs, Hamraborg, opið til kl. 20 virka daga – styttra um helgar ).

Þar má finna bæði persónulega muni, blaðaúrklippur og opinber skjöl. Þetta var á fyrstu árum Kópavogsbæjar og mikið verk að vinna, allt þurfi að gera frá grunni. Skólamál, félagsmál, kirkjubygging, sundlaug, gatnagerð og skólp.

Hér má heyra útvarpsviðtal við Huldu Dóru Styrmisdóttur, dótturdóttur Huldu J.

Hulda Jakobsdóttir fæddist í Reykjavík 21. október 1911, dóttir hjónanna Guðrúnar Ármannsdóttur húsmóður og Jakobs Bjarnasonar vélstjóra. Hún stundaði nám við Miðbæjarskólann og Menntaskólann í Reykjavík og lauk þaðan stúdentsprófi 1931. Hún lauk cand.phil prófi frá Háskóla Íslands 1932 og stundaði síðar frönskunám við sama skóla. Hulda giftist Finnboga Rút Valdemarssyni árið 1938 og tveimur árum síðar fluttu þau að Marbakka í Kópavogi. Hulda og Finnbogi Rútur eignuðust fimm börn: Elínu,  Gunnar, Guðrúnu, Sigrúnu og Huldu. Fyrir átti Finnbogi Rútur dótturina Auði.

Hulda og Finnbogi Rútur hófu fljótlega þátttöku í málefnum sveitarfélagsins, en Kópavogur varð sjálfstæður hreppur 1948 og kaupstaður 1955. Hulda var kosin bæjarstjóri 4. júní 1957, og gegndi því embætti til 1962. Jafnframt bæjarstjórastarfinu var hún formaður sóknarnefndar Kópavogssóknar og formaður skólanefndar. Helstu áherslur  hennar á bæjarstjórnartímanum voru uppbygging skóla í bænum, bygging kirkju, félagsheimilis og sundlaugar.

Eftir að Hulda lét af störfum sem bæjarstjóri starfaði hún um árabil sem umboðsmaður Brunabótafélags Íslands í Kópavogi og sat aftur sem bæjarfulltrúi í Kópavogi 1970-1974.

Hulda og Finnbogi Rútur voru gerð að fyrstu heiðursborgurum Kópavogs árið 1976 og Hulda var sæmd riddarakrossi fyrir störf sín að sveitarstjórnarmálum árið 1994.
Hún lést 31. október 1998.

19.júní dagskrá og saga.

Þann 19. júní fögnum við því að hátt í hundrað ár eru síðan konur fengu kosningarétt á Íslandi. Allir sem styðja jafnrétti eru hvattir til að klæðast bleiku eða bera eitthvað bleikt þennan dag.

10:00 Afhending Bleiku steinanna, hvatningarverðlauna Femínistafélagsins
13:00 Opið hús á Jafnréttisstofu, Borgum á Akureyri
16:15 Kvennasöguganga undir leiðsögn Kristínar Ástgeirsdóttur, sagnfræðings. Gangan hefst við Kvennaskólann í Reykjavík, gengið verður um Þingholtin og Kvosina og endað á Hallveigarstöðum
17:15 Hátíðardagskrá í samkomusal Hallveigarstaða í boði Kvenréttindafélags Íslands, Kvenfélagasambandsins og Bandalags kvenna í Reykjavík. Ávörp flytja Þorbjörg Inga Jónsdóttir, formaður KRFÍ, Ingibjörg Sólrún Gísladóttir utanríkisráðherra og Steingerður Steinarsdóttir, ritstjóri 19. júní
18:00 Veitingar og kaffispjall á Hallveigarstöðum
20:30 Kvennamessa Kvennakirkjunnar í samvinnu við Kvenréttindafélag Íslands og Kvenfélagasamband Íslands. Messan er haldin við þvottalaugarnar í Laugardal
22:00 Samkoma Ungliðahóps Femínistafélagsins á Cultura, Hverfisgötu

Kvenréttindafélag Íslands dreifir tímaritinu 19. júní frítt
UNIFEM selur bleik armbönd til styrktar kvennamiðstöðvum í Afganistan

Aðstandendur Málum bæinn bleikan eru:
Bríet, Kvenréttindafélag Íslands, Stígamót, Femínistafélag Íslands, Kvennaráðgjöfin, Kvenfélagasamband Íslands, Samtök um Kvennaathvarf, Kvennasögusafn, Kvennakirkjan, Rannsóknastofa í kvenna- og kynjafræði (RIKK) og UNIFEM

 

 

 

 

19. júní er 170. dagur ársins (171. á hlaupári) samkvæmt gregoríska tímatalinu. 195 dagar eru eftir af árinu.

Borðar sem þú getur notað til að setja á vefsíður.
Settu eftirfarandi html kóða í bloggið þitt eða vefsíðuna þína.

<img src="http://www.feministinn.is/myndir/19juni2004/19jun_banner_500px.gif">

<img src="http://www.feministinn.is/myndir/19juni2004/19jun_banner_180px.gif">

<img src="http://www.feministinn.is/myndir/19juni2004/malum_baeinn_banner.gif">

  Borðarnir eru hannaðir af Salvör Gissurardóttir.

Dagrún í DaLí!

Dagrún Matthíasdóttir opnar myndlistasýninguna "19" þriðjudaginn 19. júní í DaLí Gallery á Akureyri, klukka 17 - 19.

Dagrún útskrifaðist frá Myndlistaskólanum á Akureyri vorið 2006 og er nemi í nútímafræði við Háskólann Akureyri.

" Ég mátti til með að fara í bleika gírinn í tilefni dagsins. Myndirnar mínar eru sjálfsmyndir þar sem ég máta nokkrar staðalímyndir og spái í femínísk hugðarefni." Sýning Dagrúnar stendur til 30. júní og er DaLí Gallery opið á laugardögum og sunnudögum í sumar kl.14 -17 á meðan sýningar standa yfir.

Allir eru velkomnir DaLí Gallery Brekkugata 9 600 Akureyri [e-mail] www.daligallery.blogspot.com

19.júní - kvennasöguganga.

 

 

 

 

 

 

 

 

Hin árlega kvennasöguganga verður farin á kvennadaginn 19. júní og hefst hún kl. 16.15.

Gengið verður frá Kvennaskólanum í Reykjavík upp í Þingholtin, niður í Kvosina og síðan að Hallveigarstöðum þar sem Kvenréttindafélag Íslands býður upp á kaffi og hátíðardagskrá.

Allir eru velkomnir í göngu og kaffi. Leiðsögukona verður Kristín Ástgeirsdóttir sagnfræðingur.

Fjölmennum á Ísland-Frakkland!

Laugardaginn 16. júní næstkomandi kl. 14:00 mætast kvennalandslið Íslands og Frakklands í undankeppni EM 2009 á Laugardalsvelli.  Leikurinn er gríðarlega mikilvægur fyrir okkar lið, enda eru Frakkar með eitt allra sterkasta kvennalandslið í Evrópu.  Markmið Íslands er að komast í lokakeppni mótsins og því geta áhorfendur skipt sköpum í þessum leik.

Frítt er inn á leikinn fyrir 16 ára og yngri.

Mætum öll og styðjum stelpurnar okkar!

Tveir fundir. Einn á Akureyrir einn í Reykjavík.

Fara vændi og virðing saman í jafnréttisþjóðfélagi?

Ráðstefna á Grandhótel, Reykjavík, Föstudaginn 8.júní.

Dagskrá
Kl.
13:00          Guðrún Jónsdóttir fundarstjóri og talskona Stígamóta opnar ráðstefnuna
13:10          Erindi pallborðsþátttakenda:
                   Rosy Weiss (Austurríki), forseti International Alliance of Women (IAW)
                   Marit Kvamme (Noregur), í stjórn Womens Front of Norway, Network Against
                   Prostitution and Trafficking in Women og FOKUS
                   Ágúst Ólafur Ágústsson (Íslands), alþingismaður
                   Rachael Lorna Johnstone (Skotland/Ísland), lektor við Háskólann á Akureyri
14:15          Umræður pallborðsþátttakenda
15:00          Kaffihlé
15:15          Umræður pallborðs og ráðstefnugesta
15:30          Niðurstöður frá pallborðsþátttakendum


Ráðstefnan fer fram á ensku, Aðgangur ókeypis, Kaffiveitingar

**** 

Fundur á Akureyri.

Kvenréttindafélag Íslands, Jafnréttisstofa, Akureyrarbær og Háskólinn á
Akureyri standa fyrir opnum fundi í húsnæði Jafnréttisstofu að Borgum við
Norðurslóð á Akureyri, fimmtudaginn 7. júní kl. 12:00.

Erindi flytja:

*         Rosy Weiss, forseti alþjóðlegu kvenréttindasamtakanna
           International Alliance of Women (IAW): Kynning á IAW

*         Þorbjörg Inga Jónsdóttir, formaður KRFÍ:              
           Alþjóðasamstarf KRFÍ

*         Margrét María Sigurðardóttir, framkvæmdastjóri Jafnréttisstofu:
           Staða jafnréttismála

Fundarstjóri er Katrín Björg Ríkarðsdóttir framkvæmdastjóri samfélags- og
mannréttindadeildar Akureyrarbæjar.

Fundurinn er öllum opinn og fer fram á ensku. Boðið verður upp á súpu og
brauð.

Clare Downs handritsráðgjafi.

 

 

 

 

 

 

 

 

KIKS, aðildarfélag WIFT á Íslandi kynnir tvo fyrirlestra um uppbyggingu handrita.

Clare Downs handritsráðgjafi heldur tvo fyrirlestra dagana 9. og 10. júní næstkomandi

Við handritagreininguna verður stuðst við tvær kvikmyndir. 

 

 

 

Laugardaginn 9.júní
Fucking Åmål frá 1998 í leikstjórn Lukas Moodysson. 

 
Sunnudaginn 10.júní

The Lives of Others frá 2006 í leikstjórn Florian Henckel von Donnersmarck.

 

Fyrirlestranir fara fram á Hótel íslandi og standa yfir frá kl. 10-18.

Skráningargjald fyrir hvorn fyrirlestur er 7500 kr. en 4500 kr. fyrir skuldlausa félaga KIKS.  Gert er ráð fyrir klukkutíma matarhléi.

 

Skráning fer fram með tölvupósti á [e-mail] , þátttökugjald greiðist inná reikning 0101-26-060690 kt. 6209-060690

 

vinsamlegast sendið tölvupóst til staðfestingar á greiðslu.

Allar nánari upplýsingar fást á www.wift.is  eða í síma 6913217.

Fyrirlestur í dag

Karen Ross: Hvar fékk hún þessa skó?

Stjórnmálakonur og fjölmiðlar í aðdraganda kosninga. Prófessor Karen Ross flytur fyrirlestur föstudaginn 13. apríl kl. 12.00 - 13.30 í Norræna húsinu sem hún kallar: "Hvar fékk hún þessa skó? Stjórnmálakonur sem fréttaefni."

Fyrirlesturinn er fluttur í boði Blaðamannafélags Íslands, Rannsóknastofu í kvenna- og kynjafræðum við HÍ og Stofnunar stjórnsýslufræða og stjórnmála við HÍ.

Karen Ross, sem er prófessor í fjölmiðlafræðum og hefur skrifað fjölda bóka m.a. um þetta viðfangsefni, mun m.a. ræða eftirfarandi spurningar: Hvernig er umfjöllun fjölmiðla um stjórnmálakonur? Hvaða aðferðum beita fjölmiðlar? Hvaða orð eru notuð og hvernig myndir eru sýndar þegar fjallað er um konur í stjórnmálum? Er fremur fjallað um þær sem konur en sem þátttakendur í stjórnmálum í þeim tilgangi að draga úr trúverðugleika þeirra? Hvaða aðferðum geta stjórnmálakonur nýtt sér gagnvart áhugalausum eða jafnvel fjandsamlegum fjölmiðlum? Eru fjölmiðlar að taka sér sífellt meira vald við að túlka stjórnmál og móta skoðanir (þar á meðal um konur) í stað þess að vera hlutlausir, réttlátir og upplýsandi? Hvað þarf að gera til að bæta umfjöllun um stjórnmálakonur og pólitísk ferli yfirhöfuð þannig að konur sem aðrir njóti sannmælis?

Á síðasta ári voru 30 ár liðin frá því að jafnréttislög voru fyrst sett á Íslandi. Þrátt fyrir þau og samþykktir Sameinuðu þjóðanna í Pekingsáttmálanum frá árinu 1995 um hlutverk fjölmiðla við að tryggja jafnrétti kynjanna sýna kannanir yfirburðastöðu karla í fjölmiðlaheiminum. Rannsóknir á Íslandi hafa ítrekað leitt í ljós (árið 2000 og 2005) að konur eru um 30% viðmælenda í fjölmiðlum. Rannsókn sem gerð var í aðdraganda alþingiskosninganna 2003 sýndi að konur voru 24% viðmælenda í spjallþáttum í útvarpi og sjónvarpi. Þessar tölur eru ekki í neinu samræmi við virkni og þátttöku kvenna í íslensku þjóðlífi. Það er ljóst að konur og karlar sitja ekki við sama borð þegar kemur að fréttamati fjölmiðla og spurning hvaða vald þeir eru að taka sér til að túlka samfélag okkar, hvaða mynd er dregin upp og hvernig. Er Ísland á svipuðu róli og önnur lönd eða skerum við okkur úr hvað varðar lélegan hlut kvenna? Þessi atriði verða rædd í kjölfar fyrirlestrar Karen Ross.

Karen Ross er prófessor í fjölmiðlafræðum (Mass communication) við Háskólann í Coventry í Englandi. Hún hefur skrifað og ritstýrt fjölda bóka sem m.a. eru kenndar við Háskóla Íslands, s.s. Women and Media. International Perspectives (2004), Women, Politics and Change (2002) og Black Marks: Minority, Ethnic Audiences and Media (2001).

Staður: Norræna húsið
Vefslóð: www.rikk.hi.is

- af vef hi.is 

Konur og pólítík

- stjórnmálaþátttaka kvenna og jafnréttisstefna stjórnmálaflokkanna.

Kvenréttindafélag Íslands stendur fyrir opnum fundi í hádeginu, miðvikudaginn 28. mars nk. í samkomusal Hallveigarstaða v/ Túngötu. Leitað hefur verið eftir þátttöku allra þingflokka Alþingis. Fundarstjóri verður Rósa Björk Brynjólfsdóttir, fjölmiðlakona. Boðið verður upp á súpu og brauð á fundinum sem hefst kl. 12:00 og líkur kl. 13:00.

Fjöruverðlaunin á Góugleði bókmenntakvenna

Hátíðin hófst með málþingi þar sem meðal annars var spurt hvernig styrkja mætti stöðu kvenrithöfunda á Íslandi; hvort íslenskar skáldkonur hefðu jafngreiðan aðgang að tækifærum og skáldkarlar og hvernig konunum farnast í jólabókaflóðinu. Hápunktur Góugleðinnar var útnefning "höfunda bókafjörunnar".

Að sögn aðstandenda Góugleðinnar verða þær raddir sífellt háværari sem segja að jólabókaflóðið og þær markaðsaðferðir, sem þá ráða ferðinni, gefi ekki rétta mynd af þeirri fjölbreyttu flóru rita sem gefin er út á Íslandi. Margar áhugaverðar bækur nái sér ekki á flot í flóðinu og drukkni jafnvel með öllu. Telja ýmsir að bókum eftir konur sé sérlega hætt við þessum örlögum. Með þetta í huga var skipuð valnefnd sem í áttu sæti Hrefna Haraldsdóttir, Vilborg Dagbjartsdóttir og Þorgerður E. Sigurðardóttir. Nefndarkonur gengu fjöruna eftir jólabókaflóðið, tíndu upp bækur eftir konur sem út komu á síðasta ári og ekki hlutu verðskuldaða athygli og völdu þá fimm titla sem þeim þótti skara fram úr.

Bækurnar fimm og brot úr umsögn dómnefndar

Ólafía eftir Sigríði Dúnu Kristmundsdóttur: Ævisaga Ólafíu Jóhannsdóttur - sérlega vönduð og vel unnin ævisaga stórmerkilegrar og einstakrar konu, hér er sérstöku lífshlaupi og persónueinkennum hennar gerð góð skil og bókin varpar skýru ljósi á samtíma Ólafíu.

Á eigin vegum eftir Kristínu Steinsdóttur: Hér segir frá ekkjunni Sigþrúði sem er komin á efri ár. Á yfirborðinu er sagan létt og skemmtileg saga konu sem er á jaðri mannfélagsins - en undir yfirborðinu er átakanleg saga konu sem lífið hefur leikið grátt frá bernsku.

Skoðum myndlist eftir Önnu Cynthiu Leplar og Margréti Tryggvadóttur: Sérlega falleg bók sem opnar heim myndlistar fyrir börn og vekur áhuga þeirra á að beita eigin aðferðum við skoðun myndlistar. Með þessari bók er verið að vinna mikilvægt brautryðjendastarf.

 Mitt er betra en þitt eftir Þorgerði Jörundsdóttur (hún er einnig höfundur mynda): Skemmtileg blanda af fantasíu og raunveruleika sem allir kannast eflaust við, bæði börn og fullorðnir. Textinn er skemmtilegur og vel skrifaður og myndirnar sérlega fallegar og frumlegar.

Rósaleppaprjón í nýju ljósi eftir Hélene Magnússon: Hér er farið yfir sögu hins forna íslenska rósaleppaprjóns, og birtar nýjar prjónauppskriftir og hugmyndir um það hvernig hægt er að nýta rósaleppaprjón í hönnun dagsins í dag. Afar falleg og vel hönnuð bók.

Fjöruverðlaunin veitt í fyrsta sinn